என்னதான் அடுக்குமாடி குடியிருப்பில் வசித்து,
ஆடம்பர வாகனங்களில் பயணித்து,
நவநாகரீக வாழ்வு முறையை ஏற்றாலும்,
அந்த மொட்டைமாடி நிலாவுக்கும்,
குட்டிச்சுவர் வெட்டிக் கதைகளுக்கும்,
பேருந்து ஜன்னல் தெறிக்கும் மழைச் சாரலுக்கும்,
ஓட்டமும் கூட்டமுமாய் மின்தொடர் வண்டி பயணத்துக்கும்,
சுட்டெரிக்கும் வெயிலில்,வழியும் வேர்வை-
உறிஞ்சும் அந்த பருத்தி உடைக்கும்,
அடிக்கொருமுறை நின்று புன்னகைத்து பேசும் முகங்களுக்கும்,
அந்த சாலையோர பூக்கடைகளுக்கும்..
வாசலிலேயே வீற்றிருக்க சொல்லும்,
வண்ணக் கோலங்களுக்கும்
ஏங்கதான் செய்கிறது-
இந்த பாழும் மனம்..
