சுக பிரசவம் அல்ல சுய-பிரசவம்

கருத்தில் கருவிக்கொண்டே இருந்தாலும்-

காகிதத்தில் உதிர மறுக்கும் வார்த்தை போல்..

வாசகர் இல்லாத கவிதையை போல்..

கருவறை வாசலில் முட்டி நின்றும்-

பிரசவிக்க முடியாத சிசுவை போல்,

கிளை நுனியில் துளிர்க்கும் முன்பே-

சறுகாய் உலர்ந்துவிட்ட இலை போல்..

விளையத் துடித்தும்,நிலத்தைப் பிளக்காமல்-

புதைந்து கிடக்கும் விதைப் போல்..

மூடிக் கிடக்கும் இமைகளுக்குள்-

திறக்கத் துடிக்கும் கண்ணின் மணிகள் போல்..

வெளிவர துடித்துக் கொண்டிருக்கிறது-

எனக்குள் கட்டுண்டு கிடக்கும்-உண்மையான நான்!!!!